Ons bid saam: Datum:

Voorbidding: Ek lees 'n strokiesprent van die pastor wat vir die gemeente vra wie wil verandering sien in hulle omgewing en land. Almal steek hulle hande op. Hy vra toe: Wie wil verander? En daar kyk almal na die vloer. Ander moet verander, maar self wil ons nie verander nie. Kom ons bid dat dit anders tussen ons sal wees. Ons begin die week by ons. Vir die volgende tien dae, van hemelvaart tot met pinkstersondag fokus ons in gebed op die Heilige Gees. Bid dat Hy jou lei in oorgawe aan Hom: Elke aspek van jou lewe onder Sy beheer. Elke aspek sluit jou alles in, ook jou finansies nê! Bid vir herlewing. Begin deur vir herlewing in jou eie lewe te bid. Bid vir die pinksterdienste volgende week.