Ons bid saam: Datum:

Voorbidding: Ek nooi jou uit om hierdie week verwonderd te raak oor God. Neem die tyd om te dink oor Wie God is, hoe groot Hy is. Gebruik die natuur, sonsondergange, sonsopkomste, nuwe bloeisels in die tuin. Kyk van naderby en raak net weer verwonderd oor die Skepper en Onderhouer van dit alles. Kyk na jou lewe. Sien raak wat God jou gun. Sien raak dat Hy jou 'n geliefde kind van Hom maak. Besef dat hierdie magtige God, die Enigste, die Lewende god, lank vooruit besluit het dat Hy een soos jy wou hê op hierdie aarde. Sit in verwondering by God. Bid vir die gemeente: Groei in geloof, liefde en genade. God se leiding vir ons almal en vir ons as gemeente. God se seën oor ons. Bid vir die siekes. Bid vir die dagstukkies wat ons elke dag uitstuur. Mag die Heilige Gees ons bly inspireer in die uitwerk van dit en mag Hy met krag werk in elkeen wat dit ontvang. Bid vir ons land. Vrede. Ekonomiese groei en voorspoed. Veiligheid van alle mense. Hoop. Genade. Ons weer 'n land sal wees wat God dien met ons hele hart, hele verstand, hele siel en al ons krag. en mekaar sal liefhê.