Ons bid saam: Datum:

Voorbidding: In 'n wêreld wat hard en oud geword het, moet ons liefde wees. As God se kinders moet ons wees wat God is en dit is liefde. En nee, ons sal nooit volmaakte liefde wees soos God volmaak en liefde is nie. En tog sê Jesus dat ons volmaak moet wees soos ons hemelse Vader volmaak is. Dit het Hy gesê net na hy gesê het ons moet ons vyande liefhê. Bid hierdie week vir ons land. Teen misdaad. Teen wetgewing wat ten gunste is van onteiening of die wegneem van godsdienstige regte. Teen wegneem / verdere beperkings van vuurwapen wetgewing. Bid vir die ekonomie. Werksgeleenthede. Groei. Vra die Heilige Gees in hoe jy vir die land moet bid. Bid vir bekering en herlewing. Bid vir gelowiges om liefde te lewe en aan hul self te sterf. Bid vir die regering al is dit net omdat die Bybel so sê. Bid asb ook vir gelowiges en vir die kerk van Christus, en dus vir hierdie gemeente. Bid vir die Woord verkondiging. Vir meer getuies. Vir 'n honger om God beter en beter te mag ken. Bid vir genesing vir al die siekes. Bid vir die verpleegpersoneel, dokters en almal wat met siekes werk. Bid vir hul families. Dank God vir al Sy genade.